Papa thirrje botës: Jepni fund epidemisë së armiqësisë

 

Kreu i Selisë së Shenjtë i bëri thirrje botës për t’i dhënë fund “ndarjeve dhe refuzimeve” .

 

“Ndërsa, për fat të keq, lufta dhe përçarjet mbjellin pakënaqësi dhe frikë në zemra, dhe tjetri që është ndryshe nga unë shpesh perceptohet si rival, komunikimi global bën që ky qëndrim i përhapur të kthehet në një mentalitet dhe dallimet shfaqen si simptoma armiqësie. Dhe kur kjo ndodhë, ne kemi hyrë në një lloj epidemie armiqësie”-  tha Françesku në një mesazh të nënshkruar nga Sekretari i Shtetit i Vatikanit, Kardinali Pietro Parolin, dërguar organizatorëve dhe pjesëmarrësve të Takimit të ardhshëm të Riminit për “Miqësinë mes popujve”.