Liga e Parë vjen në mes javë

22.08.2023 13:03

Elita e futbollit të Maqedonisë së Veriut, do të vazhdojë në javën e katërt e cila do të luhet në mes javë....

Elita e futbollit të Maqedonisë së Veriut, do të vazhdojë në javën e katërt e cila do të luhet në mes javë. Kësisoj java e katërt e Ligës së Parë të Maqedonisë së Veriut në futboll, do të  luhet në tre ditë të ndryshme. Të mërkurën do të luhet derbi lokal Makedonija Gj.P – Shkupi, e cila do të zhvillohet në lagjen Gjorçe Petrov. Dy skuadrat pa pikë të fituara në tre javët e para Gostivari dhe Vardari, do të luajnë në terren vendas. Gostivari do të përballet me Rabotniçkin, ndërsa Vardari me Sileksin.
 
Shkëndija – Bregallnica, që kanë nga 6 pikë do të përballen mes vete në Tetovë. Ditën e enjte  kryesuesi i renditjes Brera, në terren vendas do të jetë nikoqire e befasisë më të madhe Tikveshit.  Ndërkohë ndeshja e fundit e kësaj jave do të zhvillohet me 27 shtator në Ohër, ku do të luhet derbi më i madh i skuadrave liqenase mes Voska Sport dhe kampionit në fuqi Struga Trim Lum.
 

Liga e Parë – Java e IV

  • Makedonija Gj.P- FC Shkupi
  • Vardari – Sileksi
  • Gostivari – Rabotniçki
  • Shkëndija – Bregallnica
  • Brera – Tikveshi
  • Voska S. – Struga TL