Kërcënimi i ministrit serb për RMV-në e Malin e Zi, reagime nga Shkupi, Tirana e Podgorica

 

“Keni bërë një gabim që t’u bjerë kokës, ashtu siç u godit Ukraina. Ju keni hapur kutinë e Pandorës”, ka deklaruar Vuçeviq sipas të cilit ka një mbështetje të madhe ndërkombëtare për krijimin e Shqipërisë së Madhe.

 

Në reagimin e misnitrit të jashtëm Bujar Osmani thuhet se Maqedonia e Veriut pret sqarime nga minsitria serbe e mbrojtjes. 

 

“Maqedonia e Veriut refuzon ndërhyrjen dhe vërejtjet e papërshtatshme nga zyrtarët fqinjë. Angazhohemi për stabilitet dhe bashkëpunim rajonal, duke përfshirë R. e Sërbisë dhe R. e Kosovës. Presim sqarim nga ministri i Mbrojtjes i Serbisë.”, ka shkruar Osmani në rrjetet sociale.  

 

Edhe presidenti i Malit të Zi Jakov Milatoviç e konsideroi të papranueshme “çdo përpjekje nga aktorë të huaj, për të ndërhyrë drejtpërdrejt ose tërthorazi në krijimin e qeverisë në Mal të Zi”. 

 

Reagim edhe nga kryeministri i Shqipërisë, Edi Rama, i cili ka theksuar se nuk do të lejohet askush të na tërheq pas në të shkuarën.

 

“Kërcënimet kundër stabilitetit dhe integritetit të Maqedonisë së Veriut dhe Malit të Zi janë të rrezikshme dhe të papranueshme. Të mos harrojmë se Shqipëria, Maqedonia e Veriut dhe Mali i Zi janë aleatë të NATO-s plotësisht të përkushtuar ndaj sigurisë dhe integritetit territorial të njëri-tjetrit. Ne kemi arritur në dekadën e fundit në këtë rajon atë që askush nuk mund ta imagjinonte në dekada të pafundme më parë dhe nuk mund dhe nuk do të lejojmë askënd të na tërheqë prapa në të shkuarën që po e lëmë pas përgjithmonë! Së bashku! Evropa e Madhe është e ardhmja jonë e vetme.”, ka shkruar Rama.

 

Presidenti serb Aleksandar Vuçiq është munduar ta zbut situatën duke kërkaur që zyrtarët serb të jenë më të kujdesshëm me deklaratat ndaj Maqedonisë së Veriut. 

 

 

Por kryetarja e Komitetit të Helsinkit për Serbinë, Sonja Biserko për mediat malazeze tha se “nuk duhet nënvlerësuar mundësia që Serbia mund të bëjë diçka qo do të rezultonte në një destabilizim të mëtejshëm të rajoninit”.