Zelensky takoi Vuçiqin në Athinë, a u ra dakord për armë që të mos njihet Kosova?

Ky takim ka ngjallë reagimin e eurodeputetes, Viola von Cramon, e cila tha se “takimi mund të jetë zhvilluar për një marrëveshje mbi armët në këmbim të mos e njoh pavarësinë e Kosovës”. 

 

“Ka shumë gjasa që Aleksandar Vuçiq ra dakord të takohet me Volodymyr Zelenskyn për të ushtruar kryesisht presion Ukrainës, armët për mosnjohjen e Kosovës. Unë shpresoj se Zelensky kupton se çfarë rreziku politik mund të sjellë një marrëveshje e tillë. Pavarësia e Kosovës dhe stabiliteti janë gjithashtu në interes të Ukrainës.”, shkroi von Cramon. 

 

 

Reagim edhe nga deputeti ukrainas, Oleksiy Goncharenko, i cili ka kërkuar nga Ukraina që ta njeh pavarësinë e Kosovës.

 

“Serbia është aleate e Rusisë. Ne nuk do të mund ta tërheqim Serbinë në anën tonë. Dhe kjo nuk është për shkak se ne jemi shumë të këqij, por sepse popullsia e Serbisë mbështet Rusinë në një shumicë të pabesueshme. A duhet të takohemi atëherë? Po sigurisht. A duhet të kompromentojmë parimet tona? Jo. Ukraina duhet ta njohë pavarësinë e Kosovës.”, ka deklaruar Goncharenko.