Gostivari fiton pikët e para sezonale

 

Në derbin lokal që u luajt në lagjen Gjorçe Petrov, skuadra Makedonisë dhe ajo e Shkupit, i ndanë pikët duke luajtur pa gola. Skuadra e Gostivarit në përballjen me Rabotniçkin, ia doli të fitojë pikët e para sezonale. Këta me rezultatin 2:0 e mundën Rabotniçkin. Me po të njëjtin rezultat po ashtu në terren vendas skuadra e Shkëndijës së Tetovës e mundi Bregallnicën. Me këto tre pikë “kuq e zinjtë”  tani dolën në pozitën e dytë të renditjes dhe bashk me Brera kanë nga 9 pikë. Barazim pati edhe në lagjen Maxhari të Shkupit, ku Vardari dhe Sileksi luajtën 2:2.  Ditën e enjte kryesuesi i renditjes Brera, në terren vendas do të jetë nikoqire e befasisë më të madhe Tikveshit.  Ndërkohë ndeshja e fundit e kësaj jave do të zhvillohet me 27 shtator në Ohër, ku do të luhet derbi më i madh i skuadrave liqenase mes Voska Sport dhe kampionit në fuqi Struga Trim Lum.