Strugë, sonte fillojnë Netët Strugane të Poezisë

zgjasë 4 ditë, prej 24 deri në 28 gusht dhe do të mbahet jashtë qendrës së Pallatit të Kulturës, në parkun e poezisë, ndërsa mbyllja e ceremonisë do të mbahet në Urën e Poezisë, siç është edhe traditë. Motoja e festivalit këtë vit është Ndjenja e Gjuhës Kreative, e cila thekson aspektin poezisë dhe gjuhës poetike si një gjuhë që krijon ndjenja.

 

Në festival do të marrin pjesë rreth 25 poet të huaj nga e gjithë bota, si dhe shumë poetë vendas të gjeneratave të ndryshme. Këtë vit në festival do të marrin pjesë 3 poetë shqiptarë, një nga Maqedonia e Veriut, një nga Kosova dhe një nga Shqipëria. Programi i festivalit parashikon disa evente, një ndër të cilat është edhe jubileu përkujtimor “100 vjet nga lindja e Aco Shopov” një nga pjestëarët e parë të bordit të festivalit, e cila do të organizohet nën patronazhin e presidentit të vendit, Stevo Pendarovski. Festivali Netët Strugane të Poezisë e ka mbajtur vazhdueshmërinë e tij që nga fillimi në vitin 1961 dhe për dekada ka prezantur fuqinë e poezisë për të bashkuar botën, me çrast i ka dhënë titullin Strugës edhe si qyteti i poezisë.