Shkup, shënohet 32 vjetori i pavarësisë së Ukrainës

 

“Dua të theksoj se Ukraina dhe ukrainasit po paguajnë një çmim shumë të lartë – jetën e tyre. Prandaj, çdo vendim në lidhje me ndihmën e ukrainasve është jetik për ne, ai na lejon të mbijetojmë, të luftojmë dhe të mbrohemi. Që nga pushtimi në shkallë të gjerë i territorit të Ukrainës më 24 shkurt 2022, shteti agresor ka vrarë mijëra ukrainas me granatime me raketa dhe artileri, ka kthyer qytetet dhe fshatrat e lulëzuara të Ukrainës në hi.”, tha ambasadorja e Ukrainës ne Maqedoni, Larisa Dir. 

 

Shoqata e ukrainasve "Lesja Ukrainka" e mirëpriti mbështetjen e vazhdueshme të Maqedonisë dhe qëndrimin e përkohshëm të refugjatëve ukrainas në vend.

 

“Ne ukrainaset që jetojmë këtu jemi falemenderues për ndihmën e juaj. Jemi mirnjohës dhe falemenderues ndaj qeverisë, komunës dhe organizatave humanitare që kujdesen për ukrainasit këtu por, edhe për ukrainasit që janë në vendlindje.”, tha Oleksandër Urbanoviq nga shoqata e ukrainasve "Lesja Ukrainka".

 

Rruga “Nikola Kljusev” në qendër të Shkupit është riemëruar “Rruga e Ukrainës” në shenjë miqësie mes dy vendeve. Dita e Pavarësisë shënohet në rrugicë me ekspozitën "Fëmijët e Luftës" - vizatime të brezit më të ri ukrainas.