28 gushti – Dita e minatorëve, Bekteshi: Minatorët, resurs i çmuar njerëzor

 

“Maqedonia e Veriut ka pasuri ta paçmueshme natyrore dhe prandaj duhet me kujdes të veçantë të kujdesemi për minierat e lëndëve të para minerale në vendin tonë. Megjithatë, në periudhën e kaluar jemi përballur me sfida serioze në këtë sektor, veçanërisht nga aspekti i mbrojtjes së mjedisit jetësor, gjë që rezultoi me ndryshime ligjore me të cilat dukshëm forcohet kontrolli i punës së koncesionarëve, por nga ana tjetër lehtësohet rruga për kompanitë që duan të investojnë në këtë industri dhe njëherësh t’i respektojnë dhe zbatojnë standardet më të larta të punës, duke mundësuar siguri gjatë punës së minatorëve që janë të ekspozuar ndaj rrezikut më të lartë gjatë funksionimit.”, thuhet në urimin e ministrit Bekteshi.

 

Për Qeverinë e Republikës së Maqedonisë së Veriut është me rëndësi të veçantë që kjo degë të zhvillohet në mënyrë që të sigurojë rritje  ekonomike për shtetin, por edhe të ndikojë në mënyrë perspektive në këtë segment të shoqërisë.