Pendarovski nga Çekia: BE-ja të rris praninë në rajon

 

“Me kryetarin Pavel u dakorduam se nga stabiliteti dhe siguria e  Ballkanit Perëndimor varet perspektiva evropiane e tij, që është arsye me e madhe që BE-ja  të rris praninë e saj në rajon, me qëllim që ta mbajë kredibilitetin  e procesit të zgjerimit. Vlerësojmë përkrahjen e padyshimtë të eurointegrimit të Maqedonisë dhe bisedimet aderuese që i zhvillojmë, me qëllim implementimin e të gjitha  reformave esenciale  për integrim sa më të shpejt në BE. Shkëmbyem mendime, jo vetëm për gjendjen politike të brendshme të të dyja shteteve, por edhe për sfidat aktuale me të cilat ballafaqohet Evropa.”, - deklaroi kryetari i shtetit, Stevo Pendarovski. 

 

 

Pas integrimit të plotë të RMV-së në NATO, radha është për përfshirjen e saj në familjen evropiane, ka thënë presidenti çek, Pavel. Ballkani  Perëndimor, i tëri duhet të jetë pjesë e strukturave euro-atlantike, thotë ai.

 

“Hyrja e RMV-së në NATO është  realizuar suksesshëm. Tani e përkrahim RMV-në në hapat e saj për përfshirje në BE.  Nuk ka siguri pa prosperitet ekonomik dhe stabilitet. Këtë e shohim si hap komplementar. Çekia është e interesuar që i tërë Ballkani Perëndimor të integrohet në BE dhe në NATO.”, - theksoi presidenti i Çekisë, Peter Pavel.

 

Mes dy delegacioneve është realizuar edhe mbledhje plenare, ndërkaq është biseduar edhe bashkëpunimi dypalësh mes dy vendeve në të gjitha fushat me interes të dyanshëm.