Sulme ruse në Ukrainë, dhjetëra viktima në Kherson dhe Donjetsk

 

“Kemi mbajtur një takim të veçantë me përfaqësuesit e Ministrisë së Industrive Strategjike dhe drejtuesit e objekteve të prodhimit vendas për prodhimin tonë të armëve në Ukrainë, pra artileri e prodhuar në Ukrainë. Predha të bëra në Ukrainë, drone, raketa, automjete të blinduara. Ne jemi duke maksimizuar kapacitetin prodhues. Financimi është i disponueshëm. Industria jonë e mbrojtjes do të japë rezultate më të mira.”, - deklaroi presidenti i Ukrainës, Volodymyr Zelensky.

 

Ndërkohë, në Rusi kreu i grupit “Wagner”, Yevgeny Prigozhin, varroset në varrezat Serafimovsky të Shën Petersburgut. Gazetarët nuk kanë qasje në varreza dhe nuk ka asnjë informacion zyrtar për varrimin e tij. Presidenti Putin nuk do të  marrë pjesë në varrim.

 

"Prania e presidentit nuk është parashikuar, ne nuk kemi asnjë informacion specifikisht për funeralin. Vendimet për këtë çështje merren nga të afërmit dhe miqtë. Ne nuk mundemi të themi asgjë!", - theksoi zëdhënësi i presidentit rus Vladimir Putin, Dmitry Peskov. 

 

Për popullin rus Yevgeny Prigozhin llogaritet hero edhe pse Shtetet e Bashkuara e kanë shpallur grupin si një organizatë kriminale trans-nacionale.

 

“Për mua ata ishin heronj. Ata ishin shembuj për popullin rus, që dhanë jetën për vendin.”, - tha një shtetas rus.

 

“Pa “Wagner-in” gjërat do të shkojnë shumë më keq. Kjo është arsyeja pse ne jemi të pikëlluar tani. Është një humbje kaq e madhe.”, - tha një shtetas tjetër rus.

 

Ditë më parë presidenti Zelensky, tha se Prigozhin, ishte fajtor për vdekjen e mijëra njerëzve të pafajshëm. Themeluesi i “Wagner-it”, Yevgeny Prigozhin, vdiq në një aksident avioni javën e kaluar.