Milevski shpall listën për takimet ndaj Italisë dhe Maltës

 

“Së pari, respekti im për të gjithë lojtarët është në nivelin më të lartë. Biseda jonë e fundit me Ristovskin ishte konstruktive, por unë e respektoj vendimin e tij. Më shqetësoi që e mora vesh vendimin e tij në rrjetet sociale. Nuk kam menduar për një kapiten, por Bardhi ka qenë më parë zv/kapiten dhe me siguri do të marrë detyrën si kapiten i parë tani. Pas tij vjen Dimitrievski”, deklaroi Milevski.

 

Sa i përket listës më të gjerë, për shkak të lëndimit do të mungojnë disa futbollistë – Marjan Radeski, Darko Çurlinov, e pasigurt është edhe paraqitja e Valon Etemit. Në ekip janë dy debutues, Ahmet Iljazovski dhe Dimitar Mitrovski, ish-përfaqësuesi i Maqedonisë për të rinjtë.

 

“Mitrovski dhe Iljazovski janë thirrur për shkak të paraqitjeve të tyre të fundit. Mitrovski po afirmohet seriozisht me lojërat e tij në Varazhdin dhe për këtë e ftova. Iljazovski, edhe pse nuk ishte i njohur për mua për një kohë të gjatë, në 4-5 vitet e tij të fundit ka luajtur një rol të rëndësishëm në ekipin e tij në Danimarkë. Për momentin, në këtë sezon, ai është standard dhe është detyra ime të thërras të gjithë lojtarët potencialë - të jenë pjesë e ekipit dhe të bëjnë një vlerësim më të detajuar të cilësive të tyre”, u shpreh Milevski.

 

Ekipi, grumbullimin e parë do ta ketë të dielën me 3 shtator, ndërsa gjashtë ditë më vonë, në Shkup do të zhvilloj ndeshjen ndaj kampionit aktual të Evropës, Italisë.