Osmani për vizitë në Indi, takon Xhagdep Dhankar dhe Xhaishankar

 

Nga Ministria e Jashtme thonë se në takim u përshëndetën marrëdhëniet miqësore mes dy vendeve, si dhe u riafirmuan angazhimet e ndërsjella për forcimin e bashkëpunimit, para së gjithash në fushën e lidhjeve ekonomike dhe rrjetëzimit të biznesit.

 

Në kuadër të vizitës së tij zyrtare në Indi, Osmani pati takim me homologun e tij indian, Subramanjam Xhaishankar. Në fokusin e bisedës ishte zhvillimi i marrëdhënieve miqësore ndërmjet Maqedonisë së Veriut dhe Indisë, me theks të veçantë në mundësitë për avancimin e shkëmbimit tregtar, forcimin e bashkëpunimit ekonomik dhe lidhjeve biznesore.  

 

“Maqedonia e Veriut i kushton rëndësi të madhe zhvillimit të marrëdhënieve me Indinë, me të cilën edhe pse larg gjeografikisht na lidh ngushtë imazhi dhe vepra e Nënë Terezës, si dhe me popullsinë e shumtë rome në vend. Para nesh po hapen mundësi të gjera për forcimin e bashkëpunimit në shumë fusha, mbi të gjitha në industrinë e TI-së, agrobiznesit, energjive e ripërtërishme, mjekësisë dhe turizmit”, theksoi Osmani.