Sindikata e hekurudhave në grevë, kërkojnë pagesën e plotë dhe kushte më të mira

 

“Kërkesë për rritjen e koeficientit, kërkesë për huazimin e dy lokomotivave nga jashtë, kërkesë për përmirësimin e kushteve të punës.”, - theksoi kryetari i Sindikatës së Hekurudhave, Toni Dimovski.

 

“I thërras të dy ndërmarrjet, atë infrastrukturore dhe të transportit, që së bashku me sindikatat, së bashku me ministrin e Transportit, nëse mundet edhe kryeministri, të bëjnë një zgjidhje, sepse kjo situatë siç po e shikoni është e vështirë, çdo muaj është problem i pagës.”, - u shpreh kryetari i Sindikatës së pavarur, Marjan Ristevski.

 

Nga Sindikata e pavarur thonë se nëse nuk i plotësojnë kërkesat e tyre, atëherë do të lëshojnë vendet e punës. Nga ana tjetër, menaxhmenti i hekurudhave të Maqedonisë vlerëson se bojkoti është i kundërligjshëm, sepse është shkelur Ligji për Marrëdhëniet e Punës dhe Kontrata Kolektive. Nga aty thonë se motivi nuk janë të ardhurat, por përfitimi personal i individëve.