SH.A. “Ekonomizimi me ujërat”: Nëse nuk ka pagë për korrikun, do të ketë protestë

 

“Gjatë javës së shkuar nga drejtori i ndërmarrjes, punonjësit dhe pjesëtarët e sindikatës kanë qenë të informuar se nuk do të marrin pagën për muajin korrik dhe nuk pritet ndërmarrja të lëshojë paga edhe gjatë muajve të ardhshëm, ne pastaj me shkrim i jemi drejtuar Qeverisë së RMV-së, ku si partner social kemi kërkuar takim, me qëllim që të gjejmë një zgjidhje për çështjen e pagave.”, - deklaroi kryetari i Sindikatës AGRO, Igor Kitanoski. 

 

Sipas tyre, nëse sot nuk paguhen pagat, punëtorët e kësaj ndërmarrjeje nga nesër nuk do të kenë as sigurim shëndetësor, ndërsa këto vështirësi, sipas tyre ato po i përjetojnë në momentet kur çmimet e produkteve ushqimore po shënojnë rritje.

 

“Problemin e pagave e kemi pasur edhe vitin e kaluar, ku pas takimit me Qeverinë të njëjtit na lëshuan nga pesë paga. Dhe prandaj, këtu parashtrohet pyetja, se pse ne çdoherë kemi probleme me pagat, sepse jemi jo-rentabil, kurse çmimet e shërbimit të ujit janë shumë të vjetra apo më shumë se 10 vite, ndërsa ne punojmë me pompa të ujit, të cilat janë me rrymë, ndërsa çmimi i rrymës e dijmë sa kushton.”, - u shpreh një anëtar i Sindikatës.

 

Ndërmarrja Shoqata Aksionare “Ekonomizimi me ujërat” është themeluar nga Qeveria dhe ka më pak se 500 punëtorë dhe në vazhdimësi kanë probleme me pagat. Sipas tyre, ministri i Bujqësisë, Ljupço Nikollovski, ka kërkuar prolongimin e çmimeve dhe e njëjta të vlejë deri më 1 janar 2024.