Maqedoni
Ndryshimet kushtetuese, Iseni: Pushteti nuk i siguron dot 80 votat e duhura
02.09.2023 16:54
Opozita shqiptare asesi nuk duhet të heqë dorë nga kërkesa e heqjes së 20 përqindëshit...
Opozita shqiptare asesi nuk duhet të heqë dorë nga kërkesa e heqjes së 20 përqindëshit, në këmbim të votës së tyre për realizimin e ndryshimeve Kushtetuese, vlerson politologu Xhenur Iseni. Ai thotë se sipas të gjitha kalkulimeve, edhe me votat e frontit opozitar shqiptar, pushteti nuk mund t’i sigurojë 80 votat e nevojshme për ndryshimet kushtetuese.
Prandaj thotë se do të ishte mirë që të mos hiqet dorë nga kërkesa për 20%, sepse nese vendi antarësohet në BE, atëherë do të rritet edhe apetiti i Sofjes zyrtare në këtë drejtim e do të jetë shumë vonë për ta rikthyer në vëmendje heqjen e 20% .
“Edhe me votat e opozitës shqiptare nuk do të arrihet . Opozita shqiptare duhet të qëndroj stoike ndaj kësaj kërkese, sepse edhe po që se heqin dorë nga 20% dhe të votojnë ndryshimet kushtetuese, prap nuk do arrihet ai numër. Prandaj unë mendoj se për opozitën, këtu flas në gjuhën sportive, do të jetë një “ penallti”, që duhet ta shfrytëzojë në favorin e tyre”, u shpreh politologu Xhenur Iseni.
Ndryshimet kushtetuese, Iseni: Më të mundshme, zgjedhjet e parakohëshme
Bazuar në të gjitha zhvillimet e fundit në skenën politike, e sidomos në lojen e partisë më të madhe opozitare maqedonase, VMRO-DPMNE, Iseni nuk është optimist se shtatori do të jetë muaji i ndryshimeve kushtetuese. Ai shkon edhe më larg, duke prognozuar se në pamundësi që pushteti të mbledhë numrat e nevojshme, shpetim i vetëm nga ky ngërç politik janë zgjedhjet parlamentare.
“Shtatori do të jetë i njejt me muajin që po lëmë pas. Përskaj gjithë atyre presioneve diplomatike që i patëm, edhe muaji i ardhëm pritet të mos ndryshojë asgjë, sepse edhe qytetarët sikurse nuk dëshirojnë më të dëgjojnë për zhvillimet politike, sepse janë të brengosur për probleme egzistenciale. Vlersoj se shumë shpejt, konkluza e gjithë kësaj situate janë zgjedhjet e hershme, e jo ndryshimet Kushtetuese”, theksoi Iseni.
Duke komentuar pohimet e pushtetit se do të realizojnë ndryshimet kushtetuese, politologu Iseni përkujton edhe faktin se edhe përkundër presionit ndërkombëtar, VMRO-DPMNE është stoike në qëndrimin e saj për të mos mbështetur të njejtat.
SANIJE DURAKU