Osmani thirrje nga Budapesti: BE-ja ta mbajë premtimin, ne realizuam detyrat

 

“Shfrytëzoj rastin të përcjell përkrahjen gjithëpërfshirëse të Hungarisë në rrugën tonë evropiane brenda institucioneve evropiane, përmes mekanizmave të ndryshme dhe nga aspekti bilateral me ndihmë teknike. Maqedonia e Veriut gjendet në moment krucial drejt BE-së. Vendimi favorizues lidhur me ndryshimet kushtetuese është rruga drejt BE-së. 2030-ta është targeti ynë dhe afati i arritshëm. Maqedonia tashmë ka plotësuar kushtet për t’u avancuar seriozisht në proces. Në gjashtë muajt e kaluar ngrita iniciativën "Më shumë integrim para anëtarësimit” dhe jam i lumtur që kjo iniciativë dita ditës materializohet. Ne i arritëm rezultatet dhe presim që të mbahen premtimet. Kompletimi i BE-së me vendet e Ballkanit Perëndimor si synim i prezantuar  paraqet top siguri për vet Bashkimin Evropian. BE-ja duhet të ofrojë më shumë sinqeritet mes njëri- tjetrit.”, - deklaroi ministri i Jashtëm, Bujar Osmani. 

 

Në kuadër të vizitës së punës në Budapest, ministri Osmani ka zhvilluar takime dypalëshe me zyrtarë hungarez. Në cilësinë e kryesuesit të OSBE-së, Osmani ka shpalosur sfidat e kësaj organizate  në drejtim të paqes dhe stabilitetit në kontinentin evropian.