Stoltenberg: NATO dhe BE-ja të angazhuara bashkërisht në Ballkan

 

“Është mirë që të shohësh që vit për vit ne kemi qenë në gjendje të forcojmë bashkëpunimin mes NATO-s dhe Bashkimit Evropian në kibernetikë, në hapësirë, në infrastrukturën kritike, në lëvizshmërinë ushtarake dhe ne punojmë dorë për dore në Ballkanin Perëndimor, në Kosovë.”, - deklaroi sekretari i Përgjithshëm i NATO-s, Jens Stoltenberg. 

 

Stoltenberg foli edhe për Ukrainën, ku theksoi se forcat ukrainase kanë qenë në gjendje që të thyejnë mbrojtjen ruse dhe kanë bërë përparim në kundërofensivën e tyre ndaj trupave të Moskës.

 

“Ukrainasit gradualisht po fitojnë terren dhe kjo dëshmon rëndësinë e mbështetjes sonë, por edhe të aftësisë dhe vullnetit tonë për të vazhduar mbështetjen. Këto janë luftime të ashpra, të vështira, por ata kanë qenë në gjendje të thyejnë vijën e mbrojtjes së forcave ruse dhe po lëvizin përpara.”, - theksoi sekretari i Përgjithshëm i NATO-s, Jens Stoltenberg.

 

Prononcimet e Stoltenberg vijnë derisa autoritetet ukrainase pretendojnë se kanë thyer vijat mbrojtëse të Rusisë gjatë kundërofensivës në jug të shtetit.