Kuvendi, shënohet 32 vjetori i pavarësisë së RMV-së

 

 

“Ta ruajmë, ta zhvillojmë dhe ta avancojmë, për ne, për qytetarët tanë dhe për të gjithë gjeneratat e ardhshme që e shohin të ardhmen e tyre aty ku i takon natyrshëm në Republikën e Maqedonisë së Veriut, anëtare e plotë ligjore e NATO-s dhe BE-së. Qoftë një ditë e lumtur e pavarësisë për shumë përvjetorë të tjerë.”, - deklaroi kryetari i Kuvendit, Talat Xhaferi. 

 

Ky është një akt solemn dhe nuk dua të rëndoj me të gjitha zhvillimet në botë që çuan në dobësimin e sistemit ekonomik, energjetik, shëndetësor dhe funksionimin e shteteve, tha Xhaferi.

 

Është koha të presim me padurim lajme pozitive dhe për këtë është koha që të gjithë të jemi të përgjegjshëm, me një vizion të qartë për të ardhmen, e cila nuk duhet të ketë drejtim tjetër, përveç sundimit të ligjit, respektimit të të drejtave dhe detyrimeve e të gjithë qytetarëve.