Tërmeti shkatërrues në Marok, numri i viktimave po rritet

Për të tretën natë radhazi në Marrakesh pas tërmetit, njerëzit po flenë jashtë.

Ushtarët dhe ekipet ndërkombëtare të ndihmës po hyjnë me kamionë dhe helikopterë në qytetet e largëta malore të goditura nga tërmeti historik. Numri i të vdekurve është vazhdimisht në rritje. Sipas Kombeve të Bashkuara, rreth 300,000 njerëz u prekën nga tërmeti me magnitudë 6.8 ballë.

Autoritetet pranuan ndihmë ndërkombëtare nga vetëm katër vende: Spanja, Katari, Britania e Madhe dhe Emiratet e Bashkuara Arabe. Njerëzit janë të zemëruar, sepse ndihmat nuk po arrijnë në qytete dhe fshatra në zonat malore rurale.