RMV-ja dhe Portugalia, marrëveshje bashkëpunimi në fushën e mbrojtjes

 

“Për të mirën e përbashkët dhe zhvillimin e dy forcave të armatosura do të përkushtohemi në bashkëpunimin intesiv dhe konsultime nga sfera e politikës së sigurisë, operacionet paqësore, trajnimet e përbashkëta dhe edukimin. Do të punojmë edhe në mbrojtjen e ambientit jetësor, në kontekst të aktiviteteve të armatës, sepse dy vendet janë shoqëri të zhvilluara që i kushtojnë rëndësi edhe mbrojtjes së ambientit jetësor.”, - deklaroi ministrja e Mbrojtjes e RMV-së, Sllavjanka Petrovska.

 

Ministrja portugeze tha se si partner në NATO, fuqishëm beson se qëllimi i përbashkët në mbrojtje dhe siguri mund të arrihet vetëm nëpërmjet përforcimit të aleancave, ide që u riafirmua edhe me nënshkrimin e Marrëveshjes për bashkëpunim në mbrojtje mes dy vendeve. 

 

“Kjo marrëveshje do të shërbejë si gurthemel për zhvillimin e marrëdhënieve tona. Do të doja të theksoj disa sfera të bashkëpunimit që kemi për qëllim t’i zhvillojmë, duke përfshirë konsultimet e rregullta politico-strategjike, angazhime për ruajtjen e paqes, stërvitje, bashkëpunim në sferën e politikës së përbashkët të mbrojtjes dhe sigurisë, sajber siguria, industria e mbrojtjes, agjenda për gratë, paqen dhe sigurinë.”, - theksoi ministrja e Mbrojtjes së Portugalisë, Maria Helena Carreiras.

 

Njëherit ministrja portugeze theksoi mbështetjen që vendi i saj i jep integrimit të Maqedonisë së Veriut në BE, duke vlerësuar se kjo do ta forconte projektin evropian dhe do të kontribuonte për stabilitetin e rajonit ballkanik.