Osmani për vizitë pune në Bruksel

Përveç takimit me sekretarin e përgjithshëm të NATO-s, ministri i Punëve të Jashtme, Osmani, do të takohet edhe me përfaqësues të lartë të BE-së. Në kuadër të vizitës, ministri do të mbajë një konferencë në Qendrën për Politika Evropiane me temë: “Maqedonia e Veriut dhe BE-ja: Lëvizja drejt integrimeve”.

 

Osmani do ta përfundojë vizitën e tij të punës në Bruksel duke marrë pjesë në pritjen me rastin e Ditës së Pavarësisë së Republikës së Maqedonisë së Veriut të organizuar nga misionet tona në BE dhe NATO dhe Ambasada e vendit në Belgjikë.