Pragë, OSBE-ja mban Forumin ekonomik dhe ekologjik, Osmani: Kërcënimet globale kërkojnë unitet politik

 

“Ndryshimet klimatike janë sfida më urgjente të së sotmes dhe të së nesërmes. Globalizmi dhe ndërvarësia ekonomike kanë ndryshuar  përgjithmonë shoqëritë tona dhe sërish  krizat e mëdha  në vitet e fundit kanë treguar se sa të cenueshëm mund të jenë zinxhirët tanë të furnizimit dhe sa mund të ndikojnë në sigurinë.”, - deklaroi kryesuesi i  OSBE-së, Bujar Osmani. 

 

Osmani foli edhe për korrupsionin si kërcënim serioz, për çka bëri thirrje  për luftimin e kësaj dukurie të kamotshme. 

 

“Neve na duhet përcaktim i qartë, përpjekje të koordinuara  dhe vullnet politik për t’u përballur  me pasojat negative të korrupsionit. OSBE-ja ka mandat të fuqishëm  në këtë fushë tematike dhe ne do të vazhdojmë t’i fokusojmë përpjekjet e përbashkëta në nxitjen e transparencës, llogaridhënies dhe qeverisjes së mirë, në domenin publik dhe privat.”, - theksoi kryesuesi i OSBE-së, Bujar Osmani. 

 

Në këtë kontekst, Osmani  paralajmëroi  konferencë rajonale në fund të tetorit dedikuar këtij fenomeni, duke vlerësuar se vendet anëtare të OSBE-së duhet detyrimisht  të sigurojnë jetë cilësore për njerëzit, e që sipas Osmanit edhe vet organizata është ndërtuar mbi shtyllat e mbrojtjes së qytetarëve të saj.