Bekteshi takon pronarët e supermarketeve, do të ulen çmimet për rreth 50 produkte

 

 

“Kemi pasur një debat mjaft konstruktiv, diskutim të përbashkët me ta, ku bashkërisht jemi dakorduar se ka hapësirë për ulje të çmimeve dhe me vullnet të mirë dhe përgjegjësi shoqërore, këtë e pranuan edhe rrjetet e marketeve. Vendimi i Ministrisë së Ekonomisë do të miratohet në seancën e Qeverisë të martën dhe do të zbatohet në fushën e uljes së çmimeve të produkteve ushqimore në të gjitha rrjetet e supermarketeve.”, - deklaroi ministri i Ekonomisë, Kreshnik Bekteshi.

 

Siç tha ai, çmimet e mbi 50 produkteve ushqimore bazë do të ulen minimalisht për 10 për qind, 90 për qind e të cilave taksohen me TVSh prej 5 për qind. Ministria e Ekonomisë gjatë javës së ardhshme do të bëjë ndryshime dhe plotësime në Ligjin për Inspektoratin Shtetëror të Tregut, me të cilat do të shtohen kompetencat e inspektorëve të IShP-së në mënyrë që ata të veprojnë menjëherë dhe ta mbyllin objektin pa kaluar në gjykatë procedura të caktuara.