Maqedoni
Sesioni i 78-të në APKB, vazhdojnë debatet mbi sfidat botërore
19.09.2023 15:03
Në kuadër të sesionit të 78-të të Asamblesë së Përgjithshme të Kombeve të Bashkuara...
Në kuadër të sesionit të 78-të të Asamblesë së Përgjithshme të Kombeve të Bashkuara, vazhdon skema e debateve nga krerët botëror mbi pasojat socio-ekonomike nga pandemia, ndikimi i vazhdueshëm i luftës në Ukrainë, sfidat me ndryshimet klimatike, shëndetësia dhe tema të tjera që tangojnë mbarë botën. Krerët e shteteve dhe qeverive paraqesin opsione për zgjidhjen e problemeve të ndërthurura globale, për të çuar përpara paqen, sigurinë dhe zhvillimin.
Në forumin e lartë politik për zhvillim të qëndrueshëm, është diskutuar për zhvillim nacional të shteteve, ku presidenti i shtetit, Stevo Pendarovski, ka theksuar kornizën e miratuar për bashkëpunim dhe zhvillim të qëndrueshëm 2021-2025 dhe ndihmën e Kombeve të Bashkuara në implementimin e pikave kryesore të kornizës si: investimin në ardhmëri, si kusht për zhvillim ekonomik, çështja e energjetikës dhe konsensusi për zhvillim shoqëror që tejkalon dallimet etnike, religjioze dhe politike.
“Me plotësimin e këtyre përpjekjeve do të arrijmë tre qëllime: E para, kontributi për planet më të sigurta, e dyta, do të implemenojmë 70% nga kriteret për anëtarësim në BE dhe do të ballafaqohemi me sfidën më urgjente – ikjen masive të të rinjëve.”, - theksoi kryetari i shtetit, Stevo Pendarovski.
Në orët e pasditës zhvillohet debati i përgjithshëm i sesionit, i hapur nga sekretari i përgjithshëm i Kombeve të Bashkuara, Antonio Guteresh, i cili do të prezantojë raportin vjetor mbi aktivitetet e organizatës.
NERMIN MULAKI FEJZULLAHU