Bekteshi: Prej të mërkurën ulje të çmimeve për 10%

 

“Çmimet nga 1 gushti e deri më sot mund të ishin rritur për 100%, por kjo është zero për ne, kjo nuk vlen, që do të thotë se do të aplikojmë uljen prej të paktën 10% si çmim referencë nga 1 gushti për të gjithë  produktet që janë të listuara. Ajo që ka ndodhur nga 1 gushti e deri më sot nuk vlen.”, - deklaroi ministri i Ekonomisë, Kreshnik Bekteshi. 

 

Bekteshi u bëri thirrje prodhuesve dhe tregtarëve që të koordinohen, pasi inspektorët e tregut do të lëshojnë urdhra ndëshkimore me “ndalim aktiviteti”, pra do të mbyllen dyqanet.

 

“Ne jemi këtu dhe do të flasim çdo ditë në këtë temë. Thjesht kërkoj nga përfaqësuesit e medias, qytetarët, nëse vërejnë mosrespektim të masave të tilla, duke qenë se bëhet fjalë për mijëra subjekte në nivel shtetëror, të informojnë Inspektoratin Shtetëror të Tregut. Nëse Inspektorati Shtetëror i Tregut nuk vepron siç duhet, si Ministri e Ekonomisë,  si Qeveri, do të marrim masat e duhura ndaj Inspektoratit Shtetëror të Tregut.”, - theksoi ministri i Ekonomisë, Kreshnik Bekteshi. 

 

Produktet që do të kenë ulje për 10% duhet të shënohen me shenjën “çmim i garantuar” në raftet e supermarketeve. Ky vendim do të jetë i vlefshëm deri në fund të nëntorit të vitit 2023.