ShA “Ujësjellësi”, punëtorët në protesta për mosmarrjen e rrogave

 

“Qeveria ka për obligim të sqarojë se çfarë mendon me shoqërinë aksionare, a mendon se duhet të ekzistojë shoqëria aksionare, e ka për obligim të sqarojë për 550 të punësuar, se përse nuk ka rroga për të punësuarit e ndërmarrjes që ajo e ka themeluar. E ka për obligim t’u sqarojë 550 familjeve, të cilat kanë mbetur pa sigurim shëndetësor.”, - deklaroi kryetari i Agro Sindikatit, Igor Kitanovski.

 

“Nëse Qeveria nuk gjen zgjidhje, si pronar i vetëm i shoqërisë aksionare, ne javën e ardhshme do të marrim masa, mund të futemi edhe në grevë.”, - u shpreh Kosta Mallzarkov nga Sindikata e ShA "Ujësjellësi".

 

Në protestë kanë dalë vetëm një pjesë e të punësuarve, pasi siç u tha nga protestuesit, një pjesë e kolegëve kanë mbetur në procesin e punës për të furnizuar me ujë ndërmarrjet komunale dhe sipërfaqet bujqësore të mos mbeten pa ujë.