Debat rreth kancereve gjinekologjike, ShGjOM: Gratë të bëjnë kontrolle parandaluese

 

“Debati ka të bëjë me atë se si të kapërcejmë sfidat në diagnostikimin dhe trajtimin e kancerit gjinekologjik, ku jemi tani dhe ku po shkojmë. Qëllimi është që të bashkohen të gjitha institucionet që janë relevante për atë që po ndodh me parandalimin, zbulimin e hershëm dhe terapinë e kancerit gjinekologjik.”, - deklaroi kryetari i ShGjOM-së, Gligor Tofoski. 

 

Sipas frekuencës, në vendin tonë më të përhapurit janë kanceri i qafës së mitrës, i endometrit, pra i shtresës së brendshme dhe kanceri i vezoreve. MAGO-ja thekson se përveç sensibilizimit, është e nevojshme që të ketë një skrining të organizuar me një mbulim të madh të popullatës femërore.

 

“Që nga viti 2015 protokollet e skriningut kanë ndryshuar dhe ka edhe udhëzime nga Organizata Botërore e Shëndetësisë, se është e nevojshme të kalohet nga testi Papanikolau në testin HPV, si skrining parësor.”, - theksoi kryetari i Shoqatës për Patologji të qafës së mitrës, Goran Dimitrov. 

 

Nga Shoqata për ndihmë dhe përkrahje të pacientëve me sëmundje gjinekologjike “Femina-M” theksuan se sipas vdekshmërisë, kanceri i qafës së mitrës është shkaktari i katërt në raport me të gjitha kanceret e tjera, prandaj është e nevojshme ngritja e vetëdijes së publikut për ekzaminimet mjekësore parandaluese.