Qeveria: janë shlyer borxhet e 9 mijë familjeve

Gjithsej në kuadër të kësaj mase janë parashtruar 412.765 kërkesa dhe punohet në përgatitje të vendimeve. Tridhjetë qytetarëve  sot nga kryeministri, Nikolla Gruevski, u janë ndarë vendimet për shlyerje të borxheve.

 

Në frymën e angazhimeve tona të bazuara në parimet e humanizmit, drejtësisë sociale dhe solidaritetit, vitin e kaluar e kemi marrë vendimin për shlyerje të njëanshme të borxhit të qytetarëve.

 

Ky ishte premtimi ynë zgjedhor dhe ka qenë drejtpërdrejtë i dedikuar që t’i ndihmojë qytetarët më të prekur, tha kryeministri, Nikolla Gruevski, pas ndarjes së vendimeve. 

 

Sipas përfaqësuesve të qeverisë, shlyerja e njëanshme e borxheve të qytetarëve është masë e cila në mënyrë të drejtpërdrejtë ka të bëjë me shfrytëzuesit e ndihmës së përhershme sociale, personave të papunë, të cilët kërkojnë punë më shumë se 12 muaj dhe personat e ekspozuar në rrezik social për shkak të sëmundjes së rëndë, invaliditetit të shkaktuar, ose vdekjes së bashkëshortit.

 

Pjesa më e madhe e borxheve të shlyerja janë për energji elektrike, pastaj kredite dhe minuse në llogaritë transaksionale dhe për borxhe për taksa radio-difuzive dhe energji për ngrohje.