Harmonizimi i ligjeve, BE: S’ka paqe pa respektimin e të drejtave të njeriut

 

“Nuk ka paqe dhe siguri pa respektimin e të drejtave të njeriut. Ky është vizioni dhe misioni në nivel të Bashkimit Evropian dhe Qeveria e RMV-së.  Por, shoqëria civile medoemos të forcojnë rolin e tyre si mbrojtës të të drejtave themelore të njeriut.”, - deklaroi zëvendësshefi i Delegacionit të BE-së në RMV, Ben Knupnau. 

 

Nga Instituti për Politikë Evropiane thonë se është i nevojshëm mekanizëm, i cili do të përcjell harmonizimin e legjislatives vendore me atë të BE-së.

 

“Analiza e shtetit nënvizon se ne jemi të harmonizuar me legjislativen evropiane, por kemi disa raste ku Komisioni Evropian konstaton se ne faktikisht nuk jemi të harmonizuar. Kjo qartë e tregon nevojën e ngritjes së kapaciteteve për vlerësimin dhe përcjelljen e nivelit të harmonizimit të legjislatives vendore me atë të BE-së.”, - theksoi Biljana Kotevska nga Instituti për Politikë Evropiane.

 

Deputetët janë të mendimit se kur jemi te respektimi i të drejtave themelore është më se i nevojshëm, jo vetëm angazhimi i komponentëve, por edhe ndryshimi i mentalitet shoqëror.

 

“Është e qartë se roli i deputetëve është i rëndësishëm, por me të vërtet 120 deputetët janë të zgjedhur nga populli. Dhe se sa do të jetë i rëndësishëm një proces varet nga 120 deputetët, jo nga 60 as 65, jo as nga 70 e bile as nga 100, sepse kur flasim për të drejtat themelore kemi nevojë për 120 deputetë.”, - u shpreh deputetja e LSDM-së, Snezhana Kaleska-Vançeva.

 

“Parlamenti është i nënshtruar ndaj politikave të Qeverisë, ka politika që duhet të ndiqen, por ka edhe shumë çështje për të cilët Parlamenti duhet ta marrë përgjegjësi.”, - theksoi deputeti i Lëvizjes “BESA”, Fadil Zendeli.

 

Deputetet pajtohen se në vendin tonë problem nuk paraqet mungesa e ligjeve për të drejtat themelore të njeriut, por mosimplementimi i tyre në praktikë dhe këtu duhet shteti të fokusohet më shumë.