Petrovska priti homologun norvegjez, siguria, temë kryesore e takimit

 

“Biseduam për sfidat kryesore të politikës së sigurisë me të cilat ballafaqohemi në Evropë, sulmin rus në Ukrainë, aktivitetet e NATO-s, si dhe përforcimin dhe bashkëpunimin dypalësh të sigurisë. U dakorduam se sulmet ruse ndaj Ukrainës duhet të dënohen. Lufta në Ukrainë mund të zgjatet dhe është me rëndësi që të mbetemi të bashkuar dhe të vazhdojmë me përkrahjen e fuqishme të Ukrainës.”, - deklaroi ministri i Mbrojtjes në Norvegji, Bjorn Arild Gramm. 

 

Ministrja e Mbrojtjes, Sllavjanka Petrovska, mes tjerash numëron përfitimet e shtetit tonë që vijnë nga bashkëpunimi me Norvegjinë.

 

“Me përkrahjen tuaj, jo më pak të rëndësishëm, e theksoj projektin  me të cilin së bashku ndërtojmë integritetin në ministri, si një nga programet kruciale dhe njëkohësisht kemi ndërtuar Qendrën rajonale për marrëdhëniet me publikun, i cili për momentin është në fazën e  zhvillimit intensiv për t’u bërë shkollë NATO-je për marrëdhënie me publikun. Nga kjo shkollë do të fitojnë RMV-ja, Norvegjia dhe anëtarët e NATO-s.”, - theksoi ministrja e Mbrojtjes, Sllavjanka Petrovska. 

 

Norvegjia do t’i dhurojë vendit tonë 70 automjete ushtarake, mbështetje për programin në sektorin e mbrojtjes, projekte në luftën kundër korrupsionit dhe integritetet e mbrojtjes, zhvillimin e poligonit në Krivollak, u tha në konferencën për media nga dy ministrat e mbrojtjes, anëtare të NATO-s.