Konflikti ushtarak Rusi-Ukrainë, Forcat ukrainase: Rrëzuam 26 dronë rusë

Porti i Danubit për eksportimin e drithërave ukrainase, Izmail, u godit sërish. Dronët që depërtuan e goditën infrastrukturën përreth Izmailit, duke i dëmtuar më shumë se 30 automjete dhe duke i lënduar dy vozitës gjatë sulmit që zgjati dy orë, tha guvernatori rajonal i Odessas, Oleg Kiper. Që nga korriku, kur Moska u tërhoq nga marrëveshja e ndërmjetësuar nga Kombet e Bashkuara, e cila mundësonte eksportimin e sigurt të drithërave përmes Detit të Zi, Rusia i ka shtuar sulmet ndaj infrastrukturës së Ukrainës për eksportimin e drithërave në jug të Odessas dhe në rajonet e Mikolavit.

 

Izmail, i cili ndodhet në kufi me anëtaren e NATO-s, Rumaninë, është shndërruar në një rrugë kryesore të eksportit për prodhimet bujqësore të Ukrainës, që kur Rusia u tërhoq nga marrëveshja për drithërat. Ky qytet është sulmuar vazhdimisht nga dronët rusë gjatë natës në javët e fundit. Si pasojë e sulmit gjatë natës së fundit, katër persona u plagosën në fshatin Kiselivka në rajonin e Hersonit.