PE do të debatojë në sesionin plenar për rezolutën e Maqedonisë

Në rezolutën e hartuar nga raportuesi për Maqedoninë, eurodeputeti slloven Ivo Vajgëll (grupi liberal) edhe njëherë kërkohet nga Këshilli i Bashkimit Evropian të marrë vendim për fillim të negociatave për anëtarësim me Maqedoninë. Kjo është porosia kryesore në projekt-rezolutën, e cila duhet të miratohet në votimin e nesërm në Strasburg, ndërsa veçmë kaloi në  Komisionin për punë të jashtme.

Në rezolutë qartë thuhet se Këshilli i BE-së, për shkak të problemit të jashtëm me Greqinë rreth emrit, e ndalon vendin  të përparojë në procesin e anëtarësimit. Deputetët konsiderojnë se  problemi me emrin  nuk duhet ta pengojë hapjen e negociatave,  por të zgjidhet para fundit të negociatave për anëtarësim të Maqedonisë në BE. Ato sërish këshillojnë që historia  të shpjegohet  sipas fakteve, ndërsa jo ideologjia dhe këshillohet krijimi i komisioneve të përbashkëta të ekspertëve me vendet fqinje përkushtuar historisë dhe arsimit.

Eurodeputetët konsiderojnë se në raportin më të ri për Maqedoninë ishin theksuar frustrimet rritëse të mendimit publik të Maqedonisë për shkak të qorrsokakut  në të cilin gjendet eurointegrimi  i vendit dhe rreziqet  të cilat dalin nga ajo për tensione të vendit. Kjo mund të rëndojë në stabilitetin rajonal, por edhe ta zvogëlojë kredibilitetin e Unionit dhe të përfundojë me mbetjen prapa të normave demokratike të vendit.

Ashtu edhe siç mund të pritej në rezolutë kanë hyrë edhe ngjarjet e fundit me aferën "Puç" përgjimet dhe kriza më e re e përgjithshme politike.

PE është e shqetësuar për klimën vendore të polarozuar  dhe konsideron se është nën kompetencë si të Qeverisë ashtu edhe të opozitës të kujdesen për bashkëpunimin e përhershëm politik. Qeveria ta respektojë rolin e parlamentit, të sigurojë vëllim të mjaftueshëm dhe kohë për konsultime (para se gjithash për ndryshimet kushtetuese) dhe të mundësojë kontroll të tërësishëm të pavarur parlamentar.

"Kompromiset janë nga kuptimi fundamentalist për funksionimin e demokracisë. Bojkoti postzgjedhor është problem i cili duhet të zgjidhet në frymën e përgjegjësisë së ndarë mes Qeverisë dhe opozitës", qëndron në  projekt-rezolutën  me kërkesë në fund shefja e diplomacisë së BE-së Federika Mogerini të ndërmjetësojë në marrëveshjen mes partive.

PE "seriozisht është e shqetësuar për shkak të përkeqësimit të marrëdhënieve mes Qeverisë dhe opozitës, veçanërisht në pikëpamje të paralajmërimit të mëparshëm të akuzave kundër liderit të opozitës nga ana e kryeministrit dhe, gjithashtu, akuzat e dyanshme  për vepra penale". PE-ja dënon çfarëdolloj kontrolli joligjor dhe bën thirrje  të gjitha provat të publikohen, dhe të zbatohet hetim i pavarur për të gjitha akuzat  për vëzhgim joligjor, me respektim të tërësishëm të parimeve të transparencës, paanshmërisë, dhe prezumimit të  pafajësisël"", qëndron në rezolutë. Ky është paralajmërim për inkuadrim të përforcuar të BE-së si ndërmjetësues në zgjidhjen e krizës politike të Maqedonisë edhe pse niveli në të cilën zbatohet ajo ende konfirmohet.

Lëvdatat vijnë për politikën ekonomike dhe rezultatet e vendit  dhe evolucionit pozitiv në luftën kundër korrupsionit.

Në projekt-rezolutën theksohet gjithashtu edhe "shqetësimit për kërcënimin e lirisë së mediave, për vetëcenzurë të gjërë të përdorur  dhe praktikën e shpifjeve politike në media, si dhe varësinë e tyre nga buxheti shtetëror".

Rreth pakos së propozuar të ndryshimeve të Kushtetutës, PE-ja mendon se  disa nga propozimet mund të përmirësohen në pajtim me rekomandimet e Komisionit të Venecias, me ç'rast kërkohet respektim i Konventës evropiane për të drejtat e njeriut dhe  duke e marrë parasysh ligjdhënien e Unionit. Kuptohet rezoluta mundet deri në momentin e fundit të pësojë ndryshime.