Edhe pas 60 viteve nga tërmeti katastrofal, akoma duhet investuar në cilësinë e ndërtimit

Gjashtëdhjetë vite pas tërmetit katastrofal në Shkup akoma duhet mësuar se si të ndërtohen objekte të qëndrueshme.  Sipas ekspertëvë vendi ka nevojë për hartimin e një strategjie nacionale për investime në fushën e ndërtimtarisë. Përveç minimizimit të dëmeve materiale dhe njerëzore kjo strategji sipas tyre mund të ndihmojë në rimëkëmbjen e ekonomisë në  vend. 

 

“Konstruksionet e qëndrueshme kanë për qëllim kryesor që t’i minimizojnë dëmet e objekteve, me atë të shpëtojnë jetën e njerëzve, të mirat materiale dhe ndihmojnë në rimëkëmbjen më të shpejtë të ekonomisë në një vend, kur ai të ballafaqohet me një fatkeqësi të madhe natyrore ose njerëzove.”, - deklaroi kryetari i Shoqatës së Konstruktorëve Ndërtimor, Darko Nakov.

 

“Fakulteti i Ndërtimtarisë ka një domethënie të madhe në zhvillimin e ekonomisë dhe e gjithë shoqërisë në përgjithësi dhe ne po mundohemi që të jemi në hap me të gjitha zhvillimet e kohës në aspektin e ndërtimit. Tani kemi një problem shumë serioz me ndryshimet klimatike dhe vëmendja jonë duhet të jetë në kualitetin e ndërtimit.”, - theksoi dekani i Fakultetit të Ndërtimtarisë, Goran Markovski. 

 

Simpoziumi Ndërkombëtar me temën “Konstruksionet e qëndrueshme”, e kanë përkrahur plotë 34 kompani nga vendi dhe jashtë saj, ndërsa të pranishëm ishin ministri i Transportit dhe Lidhjeve, Bllagoja Boçvarski; rektorja e Universitetit “Kirili dhe Metodi”, Biljana Angelova; përfaqësuesi i UNDP-së në vend, Armend Gregorian; përfaqësuesja e Delegacionit të BE-së në Shkup, Manolla Manoes dhe kryetarja e Asociacionit Internacional për Urat dhe Konstruksioneve Ndërtimore, Tina Ver.