Arsovska: Ura “Bellasica” është plotësisht e sigurt

 

“Ekzistojnë ligje, rregulla, akte që çdo qytetar duhet t'i respektojë dhe ato rregulla dhe ligje vlejnë edhe për institucionet. E dini se si ishte situata e urës, disa dëmtime të vogla, të cilat ende ekzistojnë edhe pse nuk cenojnë sigurinë dhe qëndrueshmërinë e urës, por për pamjen e jashtme, për të vendosur një grup të ri tubash që do të ishin në funksion të rrjetit të ujit të ngrohtë, duhet të jetë riparimi, kryesisht nga dëmtimi i shkaktuar nga djegia e izolimit, në mënyrë që të mund të bëhet montimi. Sot kamionët atje pengohen të punojnë, pasi nuk kanë dokumentacionin përkatës.”, - deklaroi kryetarja e Qytetit të Shkupit, Danella Arsovska.

 

 

Nga ana tjetër, dekani i Fakultetit të Ndërtimtarisë tha se kjo urë nuk duhet të vihet pjesërisht në përdorim, derisa të bëhen analiza më të gjera.

 

“As unë dhe as Fakulteti i Inxhinierisë së Ndërtimit nuk kemi informacion mbi bazën e të cilave është marrë vendimi për vënien në përdorim, pra për vënien pjesërisht të urës në përdorim. Duke pasur parasysh mungesën e informacioneve, nuk do të mund të bëja një deklaratë më të prerë dhe më të saktë në këtë moment, nëse ura është e sigurt për t'u përdorur apo jo.”, - theksoi dekani i Fakultetit të Ndërtimtarisë, Goran Markovski.

 

Sipas EMV-së, ata janë të detyruar që menjëherë t'i vendosin gypat kur të përfundojë rehabilitimi. Por vetëm tre javë para fillimit të sezonit të ngrohjes, banorët e Shkupit i frikësohen goditjeve të çmimeve nëse nuk vendoset ngrohja dhe ata do të duhet të kyçen në një sistem tjetër të ngrohjes qendrore për çmime shumë më të larta.