Rasti “Puç”, merret në pyetje Verushevski

Kjo është hera e dytë që Verushevski  rrëfehet, pasi që paraprakisht u dërgua para prokurorit, ku edhe iu shtua paraburgimi.

 

Pas dy orëve hetim, avokati i Verushevskit, Angele Ilievski, nuk u prononcua para kamerave për atë se çka ka deklaruar klienti i tij, ndërsa as nga prokuroria nuk do të ketë të dhëna zyrtare për pyetjet të cilat i janë parashtruar të dyshuarit, pasi që hetimi në rastin “Puç” ende vazhdon. 

 

Në aferën “Puç”, përveç Zoran Verushevskit, të dyshuar janë edhe Gjorgji Llazarevski, i punësuar në DBK, Branko Paliforov, i punësuar në Komunën e Strumicës, bashkëshortja e Verushevskit, Sonja dhe lideri i LSDM-së, Zoran Zaev.

 

Ndërsa i dyshuari i pestë, Zvonko Kostovski, ka pranuar veprën për të cilën akuzohej dhe ka arritur marrëveshje me prokurorin që të bëjë tre vjet burg. 

 

Në aferën “Puç”, pesë persona  akuzohen  për spiunazh dhe kërcënime të autoriteteve më të larta shtetërore.