Sulm terrorist në Ankara, vriten dy terroristë, plagosen dy policë

 

“Si rezultat i ndërhyrjes në kohë të forcave tona të sigurisë mëngjesin e sotëm, aksioni në të cilin u neutralizuan dy vrasës është akti i fundit i terrorizmit. Ata synonin të prishnin qetësinë dhe sigurinë e qytetarëve, por dështuan në planet e tyre. Ata kurrë nuk do të kenë sukses.”, tha presidenti i Turqisë, Rexhep Taip Erdogan.

 

Terroristët kanë mbërritur me një automjet para hyrjes së ministrisë. Njëri prej tyre arriti të shpërthente eksplozivin, ndërsa tjetri u vra më vonë në një shkëmbim zjarri me forcat e sigurisë. Nga ngjarja kanë mbetur të plagosur edhe dy policë.

 

“Rreth orës 09:30 me orën lokale, dy terroristë të cilët kanë mbërritur me një automjet të vogël para hyrjes së Drejtorisë së Përgjithshme për Sigurinë e Ministrisë së Punëve të Brendshme kanë kryer një sulm me bombë. Njëri nga terroristët hodhi veten në erë dhe terroristi tjetër u neutralizua. Gjatë të shtënave në ambiente të jashtme, dy nga policët tanë janë plagosur lehtë. I uroj heronjve tanë shërim të shpejtë.”, tha ministër i brendshëm i Turqisë, Ali Jerlikaja.

 

Me kërkesë të zyrës së kryeprokurorit të Ankarasë, një gjykatë turke dha një heshtje të përkohshme për raportimin e sulmit, në pritje të një hetimi zyrtar.