Forumi i sigurisë në Varshavë, Petrovska: RMV-ja vazhdon mbështetjen për Ukrainën

 

“Vitin e fundit RMV-ja ka dorëzuar mbi 10 donacione me armë dhe pajisje Ukrainës. Vlera totale e donacionit është rreth 60 për qind nga buxheti vjetor i mbrojtjes. Ne jemi të gatshëm të vazhdojmë me këtë dhe llojet e tjera të mbështetjes për Ukrainën, për aq kohë sa është e nevojshme.”, - deklaroi ministrja e Mbrojtjes, Sllavjanka Petrovska. 

 

Dhurimet e armëve dhe pajisjeve për Ukrainën shfaq nevojën që të rritet prodhimi i industrisë ushtarake, tha kryesuesi i komitetit ushtarak të NATO-s, admirali, Rob Bauer.

 

“Mbrojtja kundërajrore e integruar është pjesë e kapaciteteve që na duhen për shkak të luftës në Ukrainë. Në 10 vitet e ardhshme, shumica e aleatëve do të rrisin investimet në mbrojtjen kundërajrore, por edhe për sisteme, sensorë dhe objekte magazinimi për armë të tilla.”, - theksoi kryesuesi i Komitetit Ushtarak të NATO-s, Rob Bauer. 

 

Për rritjen e sigurisë së Ballkanit Perëndimor dhe për të reduktuar sulmet nga Rusia dhe ndikimin e Kinës, duhet të ketë një zgjerim të Bashkimit Evropian, vlerësoi ministri slloven i Mbrojtjes, Marjan Sharec.

 

“Anëtarësimi në NATO i Maqedonisë së Veriut dhe Malit të Zi është i shkëlqyer, por duhet të kompletohet edhe me anëtarësimin në BE, sepse prania e Bashkimit Evropian në Ballkanin Perëndimor është ilaçi më i mirë për të gjitha tensionet në rajon.”, - u shpreh ministri i Mbrojtjes i Sllovenisë, Marjan Sharec.  

 

Pasojat e luftës në Ukrainë do të ndihen për një kohë të gjatë, prandaj NATO-ja duhet të përgatitet për mbështetjen afatgjatë të Ukrainës, vlerësuan pjesëmarrësit në diskutimin mbi luftën në Evropë dhe mbrojtjen kolektive të NATO-s në Forumin e Sigurisë në Varshavë.