Reali dhe Galatasaray triumfuan në transfertë

Real Madridi ka triumfuar në “Diego Armando Maradona” ndaj Napolit, me rezultat 2-3, të martën mbrëma në kuadër të xhiros së dytë të Grupit C në Ligën e Kampionëve.

Dueli mes “napolitanëve” dhe madrilenëve ka dhuruar një superndeshje me pesë gola të shënuara. Ostigard (19’), ndez stadiumin duke sjell Napolin në epërsi prej 1-0.

Vinicius Junior (27’), riktheu Realin në lojë duke barazuar rezultatin në 1-1.

“Los Blancos” nuk u ndalën dhe përmes yllit të tyre Bellingham (34’), kaluan në epërsi prej 1-2, rezultat më të cilin skuadrat shkuan në pushim. 

Ndeshja dramatike është luajtur edhe në fraksionin e dytë. Fillimisht Zielinski (54’) nga penalltia barazoi shifrat në 2-2, kurse, për fitoren e skuadrës së Carlo Ancelottit u përkujdes Meret, duk shënuar autogol pas goditje së fuqishme të Rodrygo.

Pas kësaj fitore, Reali merr kreun e tabelës me 6 pikë, tri më shumë së Napoli dhe Braga.

Fitore të madhe ka arritur Galatasaray që midis “Old Traffordit” mundi Manchester Unitedin, me rezultat 2-3, ndeshje kjo që u zhvillua në kuadër të Grupit A. Hojlud (19’, 67’), realizoi dygolësh për “Djajtë e Kuq”, kurse, për fitoren e skuadrës nga Stambolli shënuan Zaha (23’), Akturkoglu (71’) dhe Icardi (81’).

Galatasaray është e dyta me 4 pikë, dy më pak se lideri i tabelës, Bayern Munich, derisa Man United ende s’ka asnjë pikë.

“Bavarezët” sonte në udhëtim mundën Copengahen, me rezultat 1-2. Fitore sonte ka shënuar edhe Interi që me golin e Thuram (62’), mundi Benfican, me rezultat minimal 1-0. Derisa befasi e natës së sontme ishte fitorja e Lens ndaj Arsenalit, me rezultat 2-1, kurse, PSV dhe Sevilla ndan pikët duke luajtur baras 2-2.

---

GRUPI A

COPENHAGEN - BAYERN 1-2

(Lerager 56/Musiala 67, Tel 83)

MANCHESTER UNITED -GALATASARAY 2-3

(Hojlund 17, 67/Zaha 23, Akturkoglu 71, Icardi 81)

 

Tabela

1. Bayern München 2 2 0 0 6:4 6

2. Galatasaray 2 1 1 0 5:4 4

3. Köbenhavn 2 0 1 1 3:4 1

4. Manchester United 2 0 0 2 5:7 0

---

GRUPI B

LENS - ARSENAL 2-1

(Thomason 25, Wahi 69/Jesus 14)

PSV - SEVILLA 2-2

(de Jong 86pen, Teze 90+5/Gudelj 68, Nesyri 82))

 

Tabela

1. Lens 2 1 1 0 3:2 4

2. Arsenal 2 1 0 1 5:2 3

3. Sevilla 2 0 2 0 3:3 2

4. PSV Eindhoven 2 0 1 1 2:6 1

---

GRUPI C

UNION BERLIN - BRAGA 2-3

(Becker 30, 37/Niakate 41, Bruma 51, Castro 90+4)

NAPOLI - REAL MADRID 2-3

(Ostigard 19, Zielinski 54pen/Vinicius 27, Bellingham 34, Valverde 78)

 

Tabela

1. Real Madrid 2 2 0 0 4:2 6

2. Napoli 2 1 0 1 4:4 3

3. Braga 2 1 0 1 4:4 3

4. Union Berlin 2 0 0 2 2:4 0

---

GRUPI D

RED BULL SALZBURG - REAL SOCIEDAD 0-2

(Oyarzabal 7, Mendez 27)

INTER - BENFICA 1-0

(Thuram 62)

 

Tabela

1. Real Sociedad 2 1 1 0 3:1 4

2. Inter Milano 2 1 1 0 2:1 4

3. Salzburg 2 1 0 1 2:2 3

4. Benfica 2 0 0 2 0:3 0

---