Rritja e TVSH-së nga 5 në 10%, qytetarët ankohen për rritjen e çmimeve

 

“Çdo ditë po na gënjejnë, disa herë i kanë rritë çmimet, pastaj një kohë i ulën, e tash kanë filluar prap t’i rrisin, kjo është mizori. Funksionerët në Qeveri për vete i rritën pagat për 78 për qind, ndërsa pensionet vetëm për 5 për qind.”, u shpreh një qytetar.

 

“Kishte edhe çmime të shtrenjta edhe të lira, por më shumë po ndjehen produktet me çmime të rritura.”, tha një qytetar.

 

“Çmimet janë shumë të larta për standartin tonë.”, u shpreh një qytetare.

 

 

Kryeministri i vendit Dimitar Kovaçevski tha se Qeveria po e mbronë standartin e qytetarëve dhe se RMV ka tatimin e vlerës së shtuar më të ultin në rajon, por edhe me vendet e BE-së. Sipas tij edhe shkalla e TVSH-së prej 10 për qind, është e pranueshme, sepse është më e ulët se ajo e përgjithshmja prej 18 për qindve. 

 

“Kjo reformë tatimore ka qenë e harmonizuar me partnerët tanë multirateral-financiar, me Fondin Monetar Ndërkombëtarë, Bankën Botërore, dhe kanë qenë të pranueshme për të gjithë, dhe kjo po vije sidomos tani në një kohë krize dhe të rejtingut kreditues të vendit tonë.”, tha kryeministri Dimitar Kovaçevski.

 

Qeveria fillimisht kishte paralajmëruar se do të rriten tatimet për produktet luksoze, por qytetarët thonë se po bëhet fjalë për produkte elementare. Ndërsa sipas liderit të VMRO-DPMNE-së Qeveria këtë e bënë sepse po mungojnë mjete në buxhetin e vendit.