Izraeli godet 500 objektiva në Gazë, shkon në 1100 numri i të vdekurve

Numri i të vdekurve po rritet në Izrael dhe Gaza, ndërsa luftimet janë ndezur mes forcave izraelite dhe militantëve të Hamasit.

“Më shumë se 700 njerëz janë vrarë në Izrael, ndërsa më shumë se 400 palestinezë janë vrarë, sipas autoriteteve. Rreth 2,300 të tjerë janë plagosur në Gaza, me ndërprerjet e energjisë elektrike duke kërcënuar “jetën e qindra të plagosurve dhe pacientëve”, tha Ministria palestineze e Shëndetësisë në Gaza.

Midis të vdekurve janë të paktën 260 persona, trupat e të cilëve u gjetën në vendin e një festivali muzikor izraelit , sipas ekipeve të shpëtimit. Persona të armatosur të Hamasit qëlluan mbi të pranishmit që po largoheshin dhe morën peng të tjerë gjatë ngjarjes të shtunën pranë kufirit Izrael-Gaza.

Hamasi po mban peng më shumë se 100 izraelitë në Gaza, duke përfshirë oficerë të lartë të ushtrisë, tha të dielën një zëdhënës i grupit militant.

Përveç robërve izraelitë, ka edhe kombësi të tjera që besohet se janë marrë peng, duke përfshirë shtetas meksikanë dhe brazilianë – duke e komplikuar përgjigjen e Izraelit ndaj sulmit të Hamasit.

IAF thotë se avionët luftarakë dhe helikopterët, avionët dhe artileria goditën objektivat.Ai gjithashtu thotë se goditi shtatë qendra komanduese të Hamasit dhe një qendër komanduese të Xhihadit Islamik.

Zyrtarët palestinezë shëndetësorë thonë se 413 persona janë vrarë në Gaza që nga fillimi i sulmeve ajrore izraelite.