Konferencë, “Ballkani Perëndimor në BE - sfida dhe perspektiva”

 

“Presidentja e Komisionit Evropian shpesh promovon idenë e BE-së si një lojtar global gjeopolitik. Por nëse vërtet ka ambicie për të qenë një lojtar gjeopolitik, BE-ja duhet së pari të rrumbullakoset dhe të sigurojë hapësirën e saj gjeopolitike evropiane përmes integrimit të Ballkanit Perëndimor”, u shpreh presidenti i RMV-së, Stevo Pendarovski. 

 

Ish-presidenti i shtetit Branko Cërvenkovski ka propozuar që vendet e Ballkanit Perëndimor të kërkojnë nga Bashkimi Evropian integrim gradual para anëtarësimit të plotë.

 

“Të gjitha vendet e Ballkanit Perëndimor, pa përjashtim, së bashku duhet t'i kërkojnë BE-së akses në tregun e përbashkët evropian dhe në fondet strukturore të Unionit. Jo si alternativë ndaj anëtarësimit të plotë, por si hap i ndërmjetëm që do të na përgatisë më tej për integrim të plotë”, theksoi ish-presidenti i RMV-së, Branko Crvenkovski.

 

Ish-presidenti i Shqipërisë, Alfred Moisiu dhe ish-presidenti i Kosovës Fatmir Sejdiu bënë thirrje që së pari të zgjidhen çështjet e hapura, përfshirë marrëdhëniet Kosovë-Serbi.

 

“Të gjitha institucionet ndërkombëtare, por edhe vendore, të nxisin dhe mbështesin procese politike, përkatësisht procesin e bisedimeve për paqen dhe zgjedhjen e statusit politik si një fare mënyre që ishte për Bosnjen dhe HErcegovinëmn dhe kjo për Kosovësn, megjithatë dallojnë”, u shpreh ish-presidenti i Kosovës, Fatmir Sejdiu.

 

 

Krerët e tanishëm dhe të mëparshëm të shteteve dhe qeverive nga rajoni dhe më gjerë bënë prezantimet e tyre në forumin "“Integrimi i vendeve të Ballkanit Perëndimor në BE-sfida dhe perspektivat” " në Shkup, organizuar nga organizata joqeveritare "Klubi i Podgoricës".