Maqedoni
Dita e Komandës Operative, Petrovska: Ushtri, sipas standardeve të NATO-s
16.10.2023 18:08
Ushtria do të vazhdojë të jetë e pajisur me pajisje të reja, moderne dhe të sofistikuara ushtarake...
Këtë e meriton çdo pjesëtar i njësiteve në Komandën Operative, theksoi ministrja e Mbrojtjes, Petrovska, në ceremoninë ushtarake në kazermën "Boro Menkov" në Kumanovë me rastin e Ditës së Njësitit. Ajo tha se pjesëtarët e Ushtrisë, shumica e të cilëve janë nga komanda, marrin pjesë në stërvitje të përbashkëta me aleatët dhe kontribuojnë në sigurinë kolektive.
Theksoi se ushtria e RMV-së është një ushtri e vërtetë e NATO-s që punon sipas standardeve më të larta të Aleancës.
“Në buxhetin, i cili tashmë është në fazën e planifikimit për vitin e ardhshëm, 2% e prodhimit të brendshëm bruto është lënë mënjanë për mbrojtjen dhe tashmë një e treta do të vazhdojë të caktohet nga ai buxhet për vazhdimin e procesit të modernizimit.”, - deklaroi ministrja e Mbrojtjes, Sllavjanka Petrovska.
Komanda e operacioneve, si një nga shtyllat kryesore të mbrojtjes së Forcave të Armatosura të Ushtrisë, punon edhe për përmirësimin e formacioneve në fushën e operacioneve dhe të gatishmërisë luftarake.
“Komanda për operacion do të vazhdojë me një ritëm më të fortë drejt optimizimit të planeve, stërvitjeve, për të përmirësuar gatishmërinë luftarake dhe për të ofruar njësi të afta luftarake që do të jenë të gatshme dhe të besueshme për dislokim në operacione jashtë RMV-së.”, - theksoi komandanti i KO-gjeneral brigade, Besnik Emini.
Anëtarët e komandës gjithashtu i dhanë mbështetje policisë në përballjen me krizën e emigrantëve, por gjithashtu morën pjesë në trajtimin e fatkeqësive natyrore që prekën qytetet në të gjithë vendin.
SEDAT SELIMI