Përleshjet mes Hamasit dhe Izraelit, mbi 2,860 palestinezë dhe 1,400 izraelitë të vrarë

 

 

“A i sheh ata fëmijë? Ai fëmijë ka të vjella gjatë gjithë mbrëmjes dhe ka diarre. Edhe motra e saj atje ka diarre dhe kjo e shqetëson gjatë gjithë natës. Nipi im atje ka temperaturë dhe është i lodhur. Sinqerisht, ne nuk dimë çfarë të bëjmë.", - u shpreh fizioterapistja palestineze, Amal Alatamna.

 

Sekretari amerikan, Antoni Blinken dhe kancelari gjerman, Olaf Sholc, ndodhen për vizitë në Izrael, për të biseduar rreth operacioneve ushtarake dhe furnizimit me ndihma humanitare të popullatës civile në Gaza.

 

“Dëgjojmë se si Izraeli do t'i kryejë operacionet ushtarake, në një mënyrë që minimizon viktimat civile dhe mundëson që ndihma humanitare të rrjedhë për civilët në Gaza. Për këtë qëllim dhe me kërkesën tonë, ShBA-ja dhe Izraeli kanë rënë dakord të zhvillojnë një plan që do të mundësojë ndihmën humanitare nga vendet donatore dhe organizatat shumëpalëshe për të arritur civilët në Gaza, duke përfshirë mundësinë e krijimit të zonave për të ndihmuar në mbajtjen e civilëve jashtë rrezikut. Është e rëndësishme që ndihma të fillojë të rrjedhë në Gaza sa më shpejt të jetë e mundur.”, - theksoi sekretari i shtetit i ShBA-së, Antoni Blinken. 

 

Drejt Lindjes së Mesme do të udhëtojë edhe presidenti amerikan, Bajden, i cili të mërkurën do të marrë pjesë një samit në Jordani mes ShBA-së, Jordanisë, Egjiptit dhe palestinezëve, ndërsa do të vizitojë edhe Tel Aviv-in.

 

Ndërkohë lideri i Iranit, kërcënoi se nëse sulmet e Izraelit nuk ndalen, forcat e rezistencës do të ndërmarrin veprime në mbrojtje të Palestinës. Khamenei tha se Izraeli kreu gjenocid të vazhdueshëm kundër palestinezëve në Gaza, para syve të botës.