Kryqi i Kuq simulon ndihmë në rast fatkeqësie nga tërmeti

 

 

"Qytetarët tanë përmes kësaj që e panë, mund të jenë të sigurt se edhe nëse kemi situata të tilla të tërmetit, ka institucione dhe ka koordinim dhe harmonizim të shkëlqyeshëm ndërmjet sektorit shtetëror dhe privat, bashkëpunim të shkëlqyer ndërkombëtar, rajonal dhe në rast se kemi situatë të tillë, përgjigjja do të ishte në nivelin më të lartë të mundshëm, që nënkupton shpëtimin e jetës së njerëzve, uljen e destruktivitetit dhe vuajtjeve të cilat janë të pashmangshme në situata të tilla.", - deklaroi presidenti i RMV-së, Stevo Pendarovski. 

 

Nga Kryqi i Kuq thonë se nëpërmjet këtyre stërvitjeve synohet që të thellohet bashkëpunimi mes institucioneve përkatëse të shpëtimit dhe sigurisë. 

 

“Kryqi i Kuq veç më hyn në fazën e ardhshme të zhvillimit të tij, ku seriozisht kandidon si subjekt i barabartë me të gjitha institucionet tjera, por pa pretendime që të marrë rolin e institucioneve tjera. Ambicia jonë është që të jemi bashkëpunëtor i mirë i institucioneve në vendin tonë, me qëllim që të gjithë së bashku të jemi më të suksesshëm.”, - theksoi sekretari gjeneral i Kryqit të Kuq, Sait Saiti. 

 

Përndryshe pjesëmarrës në stërvitje ishin Kryqi i Kuq, Qendra për Menaxhimin e Krizave, Ministria e Punëve të Brendshme, Ministria e Shëndetësisë, Ministria e Mbrojtjes, Ministria e Punëve të Jashtme, Drejtoria për Mbrojtje dhe Shpëtim, Ushtria, Ndihma Mjekësore Emergjente. Stërvitja në fjalë është pjesë e ngjarjeve që shënojnë 60 vjetorin nga tërmeti katastrofik në Shkup.