Sindikata e Pavarur e Shëndetësisë me protesta kërkon rritje të pagave për 30%

 

“I kryejmë në mënyrë profesionale të gjitha detyrat. Deri më tani nuk e kemi ngritur zërin të kemi kërkesa, megjithatë këtë  e bëjmë që jo secili për vete të gjejë zgjidhë problemin e vet që d.m.th. të kërkojë punë tjetër, të ndërrojë profesionin ose të shkojë jashtë vendit. Këtë e bëjnë të gjithë fshehurazi dhe ne vendosëm që të dalë e vërteta në shesh.”, - deklaroi Kristina Olevska nga Sindikata e Pavarur e Shëndetësisë. 

 

Pjesë e protestës ishin edhe shoferët e Ndihmës së Shpejtë. Ata ankohen se nuk kanë marrë rritje të pagave as në rrogën e muajit mars, e as në atë të shtatorit. Shoferi Pero Kurteski nga Krusheva, në orën 10 e 30 me lëshimin e sirenës e mbështeti protestën, pasi thotë se me 37 vite punë paguhet 24 mijë denarë. 

 

“Si është kjo sjellje? Një shofer nuk merr as pagën minimale. Pagën minimale nuk e kompenson Shtëpia e Shëndetit – Krushevë, që është 670 denarë. Mund të them se marrim pagën më mizerabël në vend.”, - theksoi shoferi i Ndihmës së Shpejtë nga Krusheva, Pero Kurteski. 

 

Sindikata e Pavarur thotë se kërkesat e tyre kanë të bëjnë me 22 mijë punëtorë shëndetësorë.