MASh: Korniza Kombëtare e Kualifikimeve mundëson konkurrencë në tregun e punës

 

“Kur flasim për kornizën kombëtare të kualifikimeve, flasim për një transferim të nevojshëm të të gjithë shoqërisë, e cila nënkupton  transformim të procesit arsimor, duke i marrë parasysh nevojat në tregun e punës. Njëkohësisht flasim për aftësitë e ndryshme dhe për mësuarit gjatë gjithë jetës që është e nevojshme në këto momente dhe për mobilizim më të madh të studentëve.”, - deklaroi përfaqësuesi i BE-së, Aleksandar Albu.

 

“Fokusi në këtë projekt është i fokusuar në sigurimin e cilësisë në arsim, ndërtimin e kapaciteteve që janë të nevojshme për zbatimin e Kornizës Kombëtare të Kualifikimeve dhe përforcimi i tyre. Njëkohësisht po punojmë në aktivitete për ngritjen e ndërgjegjësimit dhe vetëdijes në këtë fushë.”, - theksoi përfaqësuesja e Lituanisë, Jolita Butkjene.

 

Nga Ministria e Arsimit dhe Shkencës thonë se Korniza Kombëtare e Kualifikimeve është mjet jashtëzakonisht i rëndësishëm për formimin e “dosjes” për aftësitë e fituara dhe për rezultatin e procesit arsimor të çdo qytetari. 

 

“Ne sot jetojmë në kohën e mobilizimit të madh të qytetarëve dhe të punëdhënësve. Punëdhënësit për çdo ditë janë në një betejë të madhe për të siguruar punëtorë cilësor dhe të kualifikuar. I përmenda këto dy procese, sepse që të dyja po gërshetohen në një pikë të përbashkët të kualifikimeve dhe mundësive për të njohur aftësitë e shumta në tregun e punës. Andaj për këto çështje po paraqitet rëndësia dhe nevoja për Kornizën Kombëtare të Kualifikimeve.”, - u shpreh zëvendësministri i Arsimit dhe Shkencës, Agim Nuhiu.

 

Për përkrahjen e Kornizës Kombëtare të Kualifikimeve, mbështetje pa rezervë jepet nga tre vendet anëtare të BE-së; Litvania, Sllovenia dhe Franca.