Hekurudhat e RMV-së, reduktohet qarkullimi i trenave

Hekurudhat e Republikës së Maqedonisë së Veriut – Transporti kanë njoftuar për reduktimin e qarkullimit të trenave.

Nga kjo ndërmarrje njoftojnë se nga 25 tetori do të ndërpriten nga dy trena në ditë në relacionin Shkup- Manastir-Shkup, që do të thotë se udhëtarët nga e mërkura në këtë relacion do të mund t’i shfrytëzojnë vetëm trenat të cilët nisen nga Shkupi në orën 14:30 dhe në orën 3:13 nga Manastiri. 

Hekurudhat e Republikës së Maqedonisë së Veriut – Transporti nuk kanë dhënë më shum informacione, por kanë theksuar se këto ndryshime do të vlejnë deri në njoftimin e tyre të radhës.