Pensionistët tetovarë protestojnë, kërkojnë rritje lineare prej 5 mijë denarësh

 

“Pensioni im është afër 15 mijë denarë. Me këtë pension mund të blejmë barna dhe të pimë çaj dhe asgjë tjetër. Kryetari i pensionistëve që e kemi në Maqedoni nuk funksionon, atë e kanë blerë. Sindikata nuk punon dhe nëse kështu vazhdon do vijmë në punën ekstreme, do t’i bojkotojmë edhe zgjedhjet, jemi 350 mijë pensionistë. Jo, nuk dalin 15 mijë denarë kurrë. Ato mund t’i rrisin 78% pagat e veta e për ne nuk vlen dhe ne kërkojmë rritje lineare.”, - theksoi një pensionist.

 

“Do të vazhdojmë me protesta deri në realizimin e tyre. Protestat do të varen nga Qeveria. Nëse ato sjellin vendim dhe i plotësojnë kërkesat tona, ne i ndalin protestat. Kjo është hera e parë që pensionistët ngrihen në protesta dhe Qeveria duhet të merret me ne.”, - u shpreh një pensionist tjetër. 

 

Pensionistët protestojnë nga shtatori, ndërsa paralajmëruan se protestat e tyre do të vazhdojnë edhe para Qeverisë dhe institucioneve tjera. Ndërkohë në Maqedoninë e Veriut  jetojnë rreth 330,000 pensionistë, shumica prej tyre mbi 97,000 kanë pensione deri në 13,000 denarë.