Qeveria me vendim, do të rritet numri i ushtarëve në Kosovë

“Vendimi është sjellë në bazë të rekomandimeve të përfaqësuesve të lartë të NATO-s dhe përfundimet janë sjellë në mbledhjen e komandantëve e gjeneral shtabeve të vendeve anëtare të iniciativës për bashkëpunim në mbrojtje, me qëllim të rritjes së sigurisë në Kosovë.”, thuhet në njoftimin e Qeverisë maqedonase.

 

Në njoftim thuhet se për pjesëmarrje në operacionin e NATO-s, Maqedonia do të dërgojë 70 përfaqësues të Armatës për 6 muaj, duke llogaritur nga nëntori i këtij viti deri në maj të 2024. Me këtë vendim, numri i përgjithshëm i pjesëmarrësve në operacionin e KFOR-it në Kosovë do të arrijë në 101 pjesëmarrës të Armatës së Maqedonisë së Veriut.