Festivali Ndërkombëtar i Teatrit në Tetovë, Teatri shqiptar i Kumanovës u prezantua me shfaqje

 

“Shfaqja është e natyrës politike, flet për të gjitha problemet që ballafaqojnë aktualisht kulturën, jo vetëm në Maqedoninë e Veriut, por edhe në Kosovë e Shqipëri, në të gjitha ato vende ku ka shqiptarë. Kjo shfaqje flet më shumë se kurrë për këtë gjendje aktuale që kemi në nivel kulturor.”, - deklaroi regjisori, Erson Zymberi. 

 

Ne njihemi tani e shumë vite me publikun tetovar, por sonte ato na kanë pritur shumë mirë, tha aktori, Shkëlqim Islami.

 

“Me publikun tetovar njihemi tani e shumë vite pasi kemi marr pjesë me shfaqje të ndryshme, por kjo e sotmja “Fluturimi mbi teatrin shqiptar” shpresoj se u ka pëlqyer dhe ka tekst  shqiptar. Ne kemi kaluar jashtëzakonisht mirë dhe publiku e ka mirëpritur  shumë mirë me reagimet e tyre.”, - theksoi aktori, Shkëlqim Islami.

 

Ndërkaq, sonte do të jetë shfaqja në gjuhën maqedonase “Vernisazh” nga Teatri i Dramës, Shkup.